Dies ist ein Blogbeitrag von Ladina Knapp zu Ihrer Dissertation ‘Risk and pest management strategies of Swiss fruit growers : behavioral and economic drivers’ in Rumantsch. Im Agrarpolitik Blog finden Sie auch eine Version auf Französisch
Ladina Knapp. Ladina Knapp a fini sia dissertaziun intitulada « Risk and pest management strategies of Swiss fruit growers : behavioral and economic drivers » aint in la gruppa da economia e politica agraria a l’ETHZ in gün 2020 e fa il riassunt in quist blog.
Las producentas ed ils producents sun cunfruntads cun ris-ch al quotidian Las strategias da ris-ch nu sun be importantas per producentas e producents, ma eir per las diversas gruppas d’interess, sco la chadaina da provedimaint da mangiativas e la populaziun, siond cha quistas strategias da ris-ch pon avair üna effet sün l’ambiant sün la cuntrada.
Fond adöver da metodas quantitativas e focussond sül context svizer spordscha quista lavur ün’ analisa empirica per üna spiegaziun da l’eterogeneità da las strategias da gestiun da ris-ch da producentas e producents in rapport cun ün insect invasiv e nuschaivel (Drosophila suzukii), analisescha il connex tanter las strategias da ris-ch scheltas da producentas e producents ed identifichescha ils facturs chi han ün connex cun decisiuns e strategias da ris-ch tuttas da producentas e producents. A quist scopo sun gnüdas collecziunadas datas tanter 2016 e 2018 da producentas e producents da pomma, tschireschas, brümblas ed üa in Svizra. Las datas sun missas online pro la ETH Research Collection: http://hdl.handle.net/20.500.11850/292794
La dissertaziun dà üna survista dals cuosts sur plüs ons e da plüsas culturas cha producentas e producents han percepí e la perdita da guadogns pervia da las strategias dovradas cunter la D. suzukii. Adonta cha’l nivel d’infestiun es in media percepì sco bass, declera la majorità da producentas e producents d’avair cuosts supplementars. Ultra da quai, fan las producentas e‘ls producents quint cun cuosts e perditas da rendita in avegnir. La percepziun dals cuosts, dals cuosts in avegnir e da las perditas in avegnir es plü o main eterogena, respectivmaing esa gnü constatà üna differenza tanter las paurarias. Per exaimpel, paurarias plü grondas e producentas e producents plü attempats percepischan plü pac cuosts, quai chi muossa ün effect da scala per las strategias dovradas cunter la D. suzukii. Disposiziuns per il sustegn da retschercha per chattar masüras exactas ed effectivas cunter la D.suzukii e per redüer ils cuosts da producentas e producents stuvessan esser sustgnüdas.
Davo avair guarda ils cuosts dallas masüras tuttas cunter la D.suzukii analisescha quista dissertaziun las masüras tuttas da producentas e producents cunter l’insect nuschaivel, D. suzukii. L’analisa muossa cha’l cumportamaint in relaziun cun las strategias cunter l’insect nuschaivel sun fich diversas e fich specificas tenor la regiun, la pauraria, las culturas e perfin tenor las sorts. La majorità da las producentas e dals producents piglian üna blerüra masüras cunter l’infestiun, per exaimpel pigliond diversas masüras inclusiv ütilisond insectizids. Ils resultads da quist stüdi muossan cha las masüras politicas tuttas cunter la D. suzukii ston esser fattas sün masüra per las differentas regiuns e spezchas, cun quai cha la percepziun da l’infestiun e dal ris-ch dad infestiun es fich eterogen.
Lura tratta la dissertaziun d’ün ulteriur origen dad eterogenaità in connex cun las strategias da ris-ch da las producentas e dals producents, nempe las caracteristicas da la producenta e dal producent. Quist chapitel analisescha la relevanza da las tenutas da preferenzas da ris-ch, la percepziun dal ris-ch e persunalità ed ambiziuns da producentas e producents per trais differentas decisiuns economicas. L’importanza da quists facturs dependa sten ferm dal context da las decisiuns economicas siond cha l’importanza da quists facturs es differenta per quistas trais decisiuns, nempe l’ütilisaziun da masüras preventivas cunter la D. suzukii, la decisiun a favur d’üna sgüranza cunter tampesta e la decisiun da prodüer prodots e tils vender directamaing da la pauraria. Usché sun per exaimpel impustüt las producentas e‘ls producents chi crajan d’avair üna buna controlla sur da lur producziun e lur pauraria quels chi piglian masüras preventivas cunter la D. suzukii. Quists resultads muossan cha la persunalità ed ils facturs in connex cun il cumportamaint da producentas e producents meritan daplü attenziun pro l’analisa da decisiuns economicas e strategias da ris-ch in l’agricultura. Quists facturs sun eir relevants per ils pajais benestants.
Finalmaing quista lavur da ün survista dad il rapport tanter las differentas strategias da ris-ch cha producentas e producents applicheschan. Fin uossa es il rapport tanter l’utilisaziun da sgüranzas e masüras da diversificaziun na cler perquai cha ün pêr stüdis muossan cha producentas e producents chi piglian masüras da diversificaziun sun quels chi’s decidan eir pluchöntsch per üna sgüranza. Ils resultads da quista analisa muossan cha’l rapport tanter l’utilisaziun da la sgüranza e l’utilisaziun da masüras da diversificaziun dependan dal gener da las masüras da diversificaziun. Las masüras da diversificaziun in connex cun la pauraria han tendenzialmaing ün rapport positiv cun l‘ütilisaziun da sgüranzas intant cha masüras da diversificaziun chi nu sun in connex cun la pauraria han ün rapport negativ. Per exaimpel, la diversità biologica da sortas sülla pauraria es in connex positiv cun l’utilisaziun da sgüranzas cunter la tempesta. Quists resultads muossan cha l’utilisaziun da sgüranzas cunter tempesta nun es necessariamaing lià cun plü pacas masüras da diversificaziun e gestiun da ris-ch sülla pauraria.
Ladina Knapp (2020) Risk and pest management strategies of Swiss fruit growers : behavioral and economic drivers. Open Access https://www.research-collection.ethz.ch/handle/20.500.11850/447723
Artichels e rapports fingià publichads:
Knapp, L., Mazzi, D., Finger, R. (2020). The economic impact of Drosophila suzukii: perceived costs and revenue losses of Swiss cherry, plum and grape growers. Pest Management Science. In Press https://doi.org/10.1002/ps.6110
Knapp, L., Bravin, E., Finger, R. (2019). Data on Swiss Fruit and wine growers‘ management strategies against D. suzukii, risk preference and perception. Data in Brief 24, 103920 https://doi.org/10.1016/j.dib.2019.103920
Knapp, L., Mazzi, D., Finger, R. (2019). Management strategies against Drosophila suzukii: Insights into Swiss grape growers’ choices. Pest Management Science 75(10): 2820-2829 https://doi.org/10.1002/ps.5397
Knapp, L., Finger, R. (2020). Determinanten des Risikomanagements in der Schweizer Landwirtschaft am Beispiel von D. suzukii. ETH Zürich, Gruppe für Agrarökonomie und -politik. Projektbericht zu Händen des Bundesamts für Landwirtschaft >>
Blog Posts
Agrarpolitik-Blog 